Si t’i mbijetoni vitit të parë të sipërmarrjes suaj?
Shumica e sipërmarrësve gjunjëzohen në vitin e parë të sipërmarrjes së tyre dhe ju duhet të ndiheni me fat nëse arrini t’i mbijetoni.
Fatmirësisht ka disa sekrete që sigurojnë mbijetesë, kështu që mjafton t’i qëndroni besnik dhe gjithçka do të shkojë më së miri.
- Besoni në atë që po bëni
Me siguri keni dëgjuar për sipërmarrësit e apasionuar të cilët flasin për të punuarit gjatë gjithë natës, duke fjetur në zyrën e tyre dhe duke ngrënë vetëm ushqim të shpejtë sepse ata duhet të punojnë për biznesin e tyre.
Këto nuk janë shprehi të shëndetshme, por sigurisht që shfaqin një lloj angazhimi që një sipërmarrës ka nevojë të ketë.
Nga vjen ky lloj angazhimi? Është më shumë se thjesht një etikë pune e çmendur. Ajo vjen nga besimi në diçka me një besim të patundur. Ju jeni shërbëtor të idesë tuaj. Ju e dini se është gjëja e duhur për të bërë, dhe ju do ta bëni. Nëse nuk besoni në atë që po bën, më mirë ta lini.
- Gjeni mbështetje
Shumica e njerëzve kanë nevojë për një dashuri dhe mbështetje të vogël përgjatë rrugës. Sipërmarrësit nuk janë të ndryshëm. Gjeni një komunitet mbështetës që ju shtyn, ju inkurajon, ushqen dhe ju tregon se sipërmarrja juaj do të funksionojë.
- Mësoni të pëlqeni riskun
Rreziku do t’ju ndjekë në çdo hap që do të hidhni, por nuk duhet të shqetësoheni ka ardhur momenti që ta pranoni atë e ta mirëprisni. Ju nuk mund të bëni asgjë përveç se të ndërmerrni hapat që mendoni se janë të duhurit për sipërmarrjen tuaj dhe thjesht të prisni.
- Bëni pushime të shkurtra
Edhe sipërmarrësit më të kërkuar duhet të marrin pushime. Jepini vetes hapësirë herë pas here. Mbajeni përkushtimin ndaj pushimeve tuaja, ose do të përjetoni lëshime. Joe Robinson shkruan: “Puna pa ndalim është një zakon i keq që mund të rrezikojë biznesin, shëndetin dhe jetën ndaj duhet të ndaloni, të merrni frymë dhe të përjetoni ndonjë nivel pushimi. Shpesh, përparimet më të mëdha të biznesit vijnë kur ju i jepni vetes një hapësirë nga biznesi. ”
- Hani, flini dhe ushtrohuni
Nëse jeni një sipërmarrës, nuk keni kohë për të bërë asgjë. Por ju duhet të keni kohë të mjaftueshme për të ngrënë, për të marrë sasi të mjaftueshme gjumi si dhe kohë ushtroni disa. Këto tri gjëra janë ato që ju japin mundësinë për të mbajtur atë.
Momenti kur lëshoni njërën nga këto zakone të shëndetshme është momenti kur humbisni produktivitetin tuaj dhe nuk punoni në mënyrë efektive. Qëndrimi i përshtatshëm është çelësi për të qëndruar i suksesshëm.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.