Si u ndërtua në kohë rekord spitali për trajtimin e pacientëve me koronavirus në Wuhan, Kinë?

Ndërkohë që spitali i ndërtuar për të trajtuar përhapjen e koronavirusit në Wuhan, Kinë ka pritur pacientët e parë, pyetja që shtrohet është si arriti Kina të ndërtonte në kohë rekord një projekt i cili kërkon normalisht një periudhë 2 vjeçare për t’u realizuar?

Fotografitë e konstruksionit dolën për herë të parë në 23 janar në mediat sociale, duke treguar dhjetëra ekskavatorë që nxitonin për të rrafshuar tokën. Në vijim, një transmetim live online u hap për njerëzit që dëshironin të ndiqnin progresin e ndërtimit.

Përdorimi i njësive të parafabrikuara është çelësi për realizmin e një projekti në një kohë kaq të shkurtër dhe me shpejtësi kaq të madhe, sipas David Hartley, menaxher i kompanisë së ndërtimit NTX, e cila gjithashtu fokusohet në ndërtimin e spitaleve në Mbretërinë e Bashkuar.

“Në vend që të ndërtohen fillimisht themelet dhe më pas të vijojë procedura e mbivendosjes (ngritja, kornizimi, veshja), njësitë e parafabrikuara të lejojnë që të dy këto faza në kryhen paralelisht, pa bllokuar procesin e njëra-tjetrës” u shpreh Hartley për Business Insider.

Mediat kineze kanë vlerësuar gjithashtu për spitalin e ndërtuar në kohë rekord edhe më shumë se 7.500 punëtorë, të cilët për realizimin e projektit kanë punuar pa ndalesë dhe kanë fjetur vetëm nga 2 orë në 3 ditë.

Robert Yates, ekspert i njohur gjerësisht për mbulimin e shëndetësisë tha gjatë një konferencë për shtyp se ndërtimi i spitalit Huoshenshan duhet të jetë një leksion për të gjithë.

“Në situata si kjo është e nevojshme që shteti të bëjë një hap përpara. Një sistem shëndetësor privat nuk mund të arrijë kurrsesi diçka të tillë. Kështu që kjo është një reklamë e shkëlqyer për një sistem shëndetësor të financuar nga publiku.” shtoi më tej Yates për Business Insider.

Kina po ndërton gjithashtu një spital të dytë vetëm 25 milje larg nga Huoshenshan, i cili gjithashtu do t’i kushtohet trajnimit të pacientëve me koronavirus. Deri më tani, më shumë se 30.000 njerëz janë infektuar globalisht. Numri i viktimave është rritur në 492, sipas prononcimit të mediave kineze këtë të mërkurë. /businessinsider/

Lexo edhe:

Spitali i Coronavirusit në Kinë, mirëpret pacientët vetëm pas 10 ditësh ndërtime (FOTO)

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.