Siguria gjatë festave – Dervishaj: Policia ka marrë masa për parandalimin e ngjarjeve kriminale

Policia e Shtetit ka marrë një sërë masa shtesë për të siguruar mbarëvajtjen e festave të fundvitit. Drejtori i Rendit Publik, Albert Dervishaj deklaron për mediat se janë hartuar të gjitha planet e veprimit  për rritjen e sigurisë së qytetarëve.

Policia e Shtetit ka hartuar planet e masave dhe planet e veprimit për të   siguruar mbarëvajtjen e festave të fundvitit  dhe rritjen  e sigurisë së komunitetit në të gjithë territorin. Në një deklaratë   për mediat  drejtori i rendit publik Albert  Dervishaj prezantoi masat  për zbatimin e  të cilave  do të angazhohen  edhe forcave të ndërhyrjes së  shpejtë Tiranë , Fier dhe Shkodër.

Dervishaj shtoi se  strukturat e Policisë së Shtetit në bashkëpunim me institucionet e tjera të Task Forcës do të ushtrojnë kontrolle për verifikimin e kushteve të prodhimit, të magazinimit dhe të përdorimit nga subjektet e licencuara për lëndët piroteknike dhe fishekzjarrët.

Edhe ne pikat kufitare policia po ndërmerr masa me shtimin e posteve të punës me qëllim kryerjen e procedurave të shpejta dhe krijimin e lehtësirave gjatë hyrje-daljeve të shtetasve shqiptarë dhe të huaj.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.