Siguria Kibernetike – Microsoft kërkon të punojë me Trump!

Microsoft dëshiron të punojë me Trump dhe Kongresin për të vendosur masat e sigurisë në internet për civilët. Kështu është shprehur për CNBC në samitin e Web 2018 në Lisbonë, presidenti i kompanisë, Brad Smith.

“Shumica e çështjeve të teknologjisë deri më tani nuk kanë qenë çështje partiake. Ndryshim të madh ka pësuar epoka ku të gjithë ishin të emocionuar për teknologjinë, duke u kthyer në një epokë ku njerëzit janë të emocionuar  dhe të shqetësuar në të njëjtën kohë – dhe kjo nuk është pa arsye” – tha ai.

Ai shpjegoi se shqetësimet shkonin nga kërcënimet ndaj demokracisë deri në rolin e inteligjencës artificiale në të ardhmen e punës. “Ka gjëra të rëndësishme që duhet të adresojmë, duhet të aftësojmë popullatën që të jetë e përgatitur për një brez të ri pune dhe të sjellim broadband në çdo cep  jo vetëm të Shteteve të Bashkuara, por të çdo vendi. Unë mendoj se demokratët do të jenë të interesuar për disa nga këto gjëra, gjithashtu dhe republikanët, kështu që me pak fat dhe shumë punë, ndoshta mund të kemi një mbështetje dypartiake” – tha Smith. Ai shtoi se kompania gjithashtu donte të punonte me administratën e Presidentit Donald Trump për të trajtuar rreziqet teknologjike në shoqëri.

“Ne duhet të gjejmë mënyra për të punuar me Presidentin Trump ashtu si punuam me Presidentin Obama. Ne shpresojmë të shohim se qeveritë, kompanitë dhe organizatat nga e gjithë shoqëria civile miratojnë llojet e parimeve që na duhen: parime që do të mbrojnë civilët, parimet që do të mbrojnë zgjedhjet, parimet që do të mbrojnë disponueshmërinë e internetit” – tha ai për CNBC, duke shpjeguar se këto parime ishin gjithmonë nën kërcënim.

Siguria është një element thelbësor i agjendës së Microsoft. Vitin e kaluar, kompania siguroi firmën izraelite të sigurisë në internet, Hexadite, për 100 milionë dollarë.

e.t/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.