Siguria rajonale dhe ekstremizmi i dhunshëm –  Në pranverë zhvillohet takimi ndërkombëtar në Shqipëri

Në pranverën e këtij viti në Shqipëri do të zhvillohet një takim ndërkombëtar shumëpalësh mbi sigurinë rajonale e ndërveprimin kundër ekstremizmit të dhunshëm.

Lajmin e ka bërë të ditur kryeministri Edi Rama në një takim me Mbretin Abdullah II të Jordanisë gjatë Forumit Ekonomik Botëror Davos.

Sipas tij, ky takim do të organizohet në kuadër të iniciativës globale të Akba-s.

“Davos, Forumi Ekonomik Botëror – Me Mbretin Abdullah II i Jordanisë, në fokus organizimi në pranverë, në Shqipëri, i një takimi ndërkombëtar shumëpalësh mbi sigurinë rajonale e ndërveprimin kundër ekstremizmit të dhunshëm (në kuadër të iniciativës globale të Akaba-s, nisëm e Madhërisë së Tij)

Bashkëbisedim miqësor me një dashamirës të çmuar të shqiptarëve.”

Ndërkohë, gjatë vizitës së tij në Davos, Rama zhvilloi edhe një takim me kryeministrin e Belgjikës, Charles Michel. Çelja e negociatave për anëtarësimin e Shqipërisë në Bashkimin Europian ishte edhe fokusi i bashkëbisedimit të tyre, të cilin kryeministri shqiptar e cilësoi shumë inkurajues.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.