Siguria rrugore/Festat, Policia: Monitorim të vazhdueshëm, asnjë tolerim
Asnjë tolerim për drejtuesit e mjeteve nën ndikimin e alkoolit natën e ndërrimit të viteve. Shefi i komisariatit të policisë rrugore Erion Ahmeti në një prononcim për mediat theksoi se policia rrugore do të jetë në gatishmëri të plot duke monitoruar dhe siguruar shmangien e aksidenteve për festa.
“Policia rrugore gjatë gjithë festës së ndërrimit të viteve do të jetë prezent në akset rrugore. Ata drejtues mjetesh që do kapen nën efektin e alkoolit nuk do të tolerohen”.
Ahmeti dha një mesazh për të gjithë drejtuesit e mjeteve të udhëtojnë më transportin publik nëse konsumojnë pije alkoolike.
“Ju lutem, konsumoni alkool por mos drejtoni mjetin nën ndikimin e alkoolit. Përdorni shërbimin publik për të shkuar në destinacionet tuaja”.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.