Siguria ushqimore – AKU: Të dënohen penalisht të gjithë ata që falsifikojnë produktet
Autoriteti Kombëtar i Ushqimit ka shprehur këkrkesën për ndryshime në Kodin Penal lidhur me çështjet e sigurisë ushqimore. Duke iu referuar shkeljeve të kryera gjatë vitit të kaluar, sipas AKU-së 65 raste të evidentuara lidhen me sigurinë ushqimore.
Më konkretisht, bëhet fjalë kryesisht tregtim të pasigurt të produtkeve, prodhim të kundraligjshëm dhe mashtrim/falsifikim ushqimor për ta cilat ka edhe dispozita të caktuara në Kodin Penal.
Në këtë kuadër, AKU gjatë pjesëmarrjes në seancën për “Çështjet Ligjore, Administratën Publike dhe të Drejtat e Njeriut” ka kërkuar të dënohen penalisht të gjithë ata që falsifikojnë produktet ushqimore.
“AKU kërkon të dënohen penalisht ata që prodhojnë, ruajnë, transportojnë apo tregtojnë produkte të pasigurta. Të dënohen penalisht ata që falsifikojnë produktet ushqimore dhe etiketimin e rremë si dhe ata që prishin shenjat dalluese të bllokimit nga AKU dhe rinisin aktivitetin në mënyrë ilegale.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.