Siguria ushqimore gjatë sezonit veror – AKU asgjëson mbi 26 ton produkte dhe vendos 32 masa administrative gjatë 24 orëve të fundit
AKU ka kryer 146 kontrolle zyrtare dhe monitorime gjatë 24 orëve të fundit në të gjithë vendin në operatorët e biznesit ushqimor të kategorive të ndryshme.
Drejtoritë Rajonale të AKU- së bëjnë me dije se kanë ushtruar veprimtarinë e tyre në bazë të planit vjetor të inspektimit me bazë risku dhe mbi bazën e denoncimeve të ardhura në rrugët e komunikimit të institucionit ([email protected] / nr. Gjelbër 08007575).
Sipas njoftimit gjatë kontrolleve zyrtare në operatorët e biznesit ushqimor janë dhënë 32 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore.
AKU njofton se referuar Planit Vjetor të Marrjes së Mostrave me bazë risku janë marrë 14 mostra në produkte ushqimore të natyrave të ndryshme. Gjithashtu janë asgjësuar 26.229t produkte ushqimore me kërkesë te vete subjektit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.