Siguria ushqimore në kohë pandemie – AKU asgjëson 60 kg akullore dhe vendos 2 masa administrative në 24 orët e fundit

Trupat inspektuese të AKU-së me fokus sigurinë ushqimore kanë bërë me dije se kanë kryer 438 inspektime në kuadër të Planit Vjetor dhe si pjesë e Taks-Forcës anti-Covid, duke këshilluar dhe ndërgjegjësuar bizneset ushqimore për rëndësinë e madhe që ka në këtë kohë respektimi rigoroz kundër përhapjes së Covid-19.

Sipas njoftimit gjatë inspektimeve janë dhënë dy masa administrative ndaj dy subjekteve për tregtim të ushqimit të pasigurt si dhe janë asgjësuar 60 kg të produktit akullore, të rezultuara pas analizimit me ngarkesë të lartë mikrobike enterobakteriesh.

AKU njofton se siguria e produkteve ushqimore sezonale dhe atyre me origjinë shtazore është në vëmendjen e veçantë të AKU-së, ku gjatë ditës së sotme, janë 40 mostra për kryerjen e analizave laboratorike.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.