Siguria ushqimore në kohë pandemie – AKU bllokon mbi 1 ton ullinj të konservuar dhe kryen mbi 400 kontrolle në 24 orët e fundit
Trupat inspektuese të Autoritetit Kombëtar të Ushqimit kanë kryer gjatë 24 orëve të fundit 415 inspektime dhe monitorime si pjesë e Task-Forcës Anti-Covid.
Sipas AKU në çdo monitorim nga Task-Forca kërkohet që të zbatohen protokollet e sigurisë, higjienizimi i ambienteve, mbajtja e maskave në ambiente të mbyllura, si dhe ruajtja e distancës fizike në çdo subjekt, si mjete kryesore për kufizimin e përhapjes së virusit.
AKU bën me dije së në një subjekt është bërë bllokimi i një sasie prej 1036 kg (ulli i konservuar) deri në dalje të rezultatit të mostrës së dërguar në ISUV si dhe referuar Planit të Marrjes së Mostrave janë marrë 47 mostra, kryesisht në monitorim të qumështit dhe në fruta-perime.
Autoriteti Kombëtar i Ushqimit vazhdon pandërprerë punën në terren në garantim të sigurisë ushqimore dhe mbrojtjes së shëndetit të konsumatorit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.