Sigurimet paguan më shumë për jetën e debitorëve – Pandemia COVID-19, 154 kredi u shlyen nga kompanitë
Kompanitë private të sigurimeve kanë paguar rreth 257 milionë lekë gjatë vitit 2020 vetëm për demet e siguracioneve të jetës. Referuar të dhënave zyrtare të Autoritetit të Mbikqyrjes Fiananciare, dëmet me vlerë më të lartë janë paguar në prefekturën e Tiranës me afro 219 milionë lekë, e ndjekur nga Durrësi dhe Shkodra, ndërsa në Berat dhe Dibër nuk është bërë asnjë pagesë. Ajo që vihet re është se dëmet e paguara për jetë debitori , regjistrojnë vlerën më të lartë në krahasim me dëmet e paguara për kategoritë e tjera të sigurimeve, si jeta në grup, jeta e kombinuar, jeta dhe shëndeti në udhëtim, plan i pagesave cash, jeta me kursim, etj.
Kontrata e Sigurimit të Jetës së Debitorit siguron shlyerjen e detyrimit të individëve që kanë marrë kredi në bankat tregtare dhe kanë humbur jetën gjatë periudhës së shlyerjes së kredisë. Shifra e lartë e dëmeve të paguara për këtë kategori, e cila arrin në 135 milionë lekë në total, është diktuar edhe nga pandemia Covid-19, ku shumë qytetarë të prekur nga virusi kanë humbur jetën. Sa i takon numrit të dëmeve jetë sipas prefektuarave, në total numërohen 1867, ndërsa Tirana mban sërish peshën më të madhe. Numri i dëmeve të paguara vetwm për jetën e debitorit, regjistrohet në 154.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.