Sigurimi i depozitave – Sejko: Rrjeta e sigurisë, më e fortë se kurrë

Guvernatori i Bankës së Shqipërisë, Gent Sejko, mori pjesë të enjten në takimin e Komitetit Rajonal për Europën, të Organizatës Ndërkombëtare të Siguruesve të Depozitave, të mbajtur në Tiranë. Në fjalën e tij, Guvernatori tha se skemat e sigurimit të depozitave e zbutën krizën e fundit financiare botërore, duke përdorur instrumente si rritja e kufirit të mbulimit të depozitave dhe zgjerimi i objektit të skemës së garantimit, për të forcuar besimin e publikut në sistemin financiar. Megjithë, ai theksoi se një nga mësimet ishte se asnjë aktor nuk mund të përballet i vetëm me krizat sistemike, ndaj rrjeta e sigurisë po shtohet me mekanizma të rinj.

Guvernatori tha se rregullimet ligjore dhe rregullatore në vitet e paskrizës e kanë bërë sistemin bankar më të fortë, çka jep më shumë siguri për të ruajtur depozitat dhe paratë e taksapaguesve shqiptarë.

Agjencinë e Sigurimit të Depozitave në Shqipëri u krijua në vitin 2002. Aktualisht, kjo agjenci siguron në masën 100% depozitat e individëve dhe bizneseve në sistemin financiar, me një kufi sigurimi prej 2.5 milionë lekësh në bankat tregtare dhe 2 milionë lekë në shoqëritë e kursim-kreditit.

Ersuin Shehu/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.