Sigurimi i institucioneve – Bashkia Durrës paguan 2 milionë lekë për një vit

Sigurimi i pasurive të paluajtshme për një vit do t’i kushtojë rreth 2 milionë lekë Bashkisë së Durrësit. Kjo e fundit ka hapur tenderin për “Sigurimi pasurive te paluajtshme, inventari ekonomik dhe pajisje e instalime”.

Të gjitha institucionet që janë nën juridiksionin e Bashkisë do të duhet që të sigurohen nga subjekti që do të shpallet fitues për 365 ditë nga nënshkrimi i kontratës.

Sipas specifikimeve të kontratës këto institucione do të duhet që të mbrohen nga  zjarrit, eksplozioni, tërmetet, përmbytjet, rrëshqitjet e tokës, etj.

Siguruesi dëmshpërblen të Siguruarin për humbjen, dëmtimin ose shkatërrimin  e  pasurisë së siguruar në mënyrë të papritur, të paparashikuar dhe aksidentale.

Fituesi i kontratës do të shpallet më 11 gusht. Ky siguracion është i nevojshëm për institucionet në mënyrë që të përballohen problemet financiare që mund të vijnë si rezultat i shkatërrimeve të ndryshme.

Problematikat më të shpeshta që hasen në vendin tonë kanë të bëjnë me përmbytjet, rrëshqitjet e tokës si dhe  kohët e fundit edhe me zjarrin.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.