Sinjali 4G – Raporti: Në Shqipëri, shpejtësi më të lartë se në Brazil
Shpejtësia e internetit 4G në Shqipërisë është më e lartë se ajo e Brazilit. Ky është përfundimi i raportit të publikuar nga Open Signal, një kompani e specializuar për matjen e të dhënave në internet mobile.
Në raportin e Shtetit të sistemit LTE, i cili analizon statusin e lidhjes 4G në mbarë botën janë bërë më shumë se 58 miliardë matje në 4.8 milionë pajisje në periudhën 1 tetor deri më 29 dhjetor të vitit 2017.
Sipas të dhënave, Brazili shfaqet në fund të listët, pas vendeve si Tunizia, Myanmar, Filipinet dhe Pakistani me 61.26%. Raporti përmban një sërë renditjesh dhe harta interaktive që tregojnë statusin e internetit 4g në gjithë botën.
Disponueshmëria e 4G
Sipas raportit, vendi me disponueshmërinë më të mirë të sinjalit 4G është Koreja e Jugut, e ndjekur nga Japonia, Norvegjia, Hong Kongu dhe Shtetet e Bashkuara. Ndërkohë, Brazili renditet në fund të listës së vendeve me disponueshëmrinë më të ulët të sinjalit 4G.
Shpejtësia e sinjalit 4G
Sa i përket shpejtësisë, Turqi, Republika Dominikane si dhe vendi ynë renditen para Brazilit, i cili ka një shpejtësi mesatare prej 19.67Mbps. Ndërsa lista me internetin më të shpejtë 4G kryesohet nga Singapori, Holanda, Norvegjia, Koreja e Jugut dhe Hungaria.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.