Sistem i ri sigurie për burgun e më të “fortëve” – Drejtoria e Përgjithshme e Burgjeve shpall tenderin

Burgu i Peqinit pritet të ketë një sistem sigurie të ri. Drejtoria e Pergjithshme e Burgjeve ka shpallur tenderin në Agjencinë e Prokurimit Publik, i cili do të qëndrojë i hapur deri në 23 gusht.

Rreth 3 milionë lekë do të investohen në sistemin e sigurisë, që përfshin sistemin e kamerave, monitorimin virtual, sistemin kompjuterik, e jo vetëm. Ky sistem i ri pritet të vendoset në funksion brenda 20 ditësh që nga nënshkrimi i kontratës me kandidatin fitues të tenderit.

Burgu i Peqinit është një nga burgjet më të përmendura në media. Kjo e fundit ama, jo për ‘popullaritet’ pozitiv, pasi protagonizmi ka qenë për shkak të skandaleve, konflikteve, sherreve, ‘call center-it’ brenda burgut, arrestimeve të gardianëve të përfshirë në skandale apo dhunës së ushtruar ndaj tyre.

Jenida Vladi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.