Situata dhe masat ndaj zjarreve, EC: 15 vatra zjarri në 24 orë
Rritet numri i vatrave të zjarrit gjatë 24 orëve të fundit. Sipas emergjencave Civile deri në orët e para të mëngjesit të sotëm janë konstatuar 15 vatra zjarri në qarqet Shkodër, Tiranë, Vlorë, Korçë, Dibër, Durrës, Elbasan dhe Berat.
Flakët kanë djegur mbi 48 ha ferra shkurre dhe peme frutore si edhe kanë rrezikuar edhe banesat e banorëvë të zonave në disa qarqe si në Shkodër në fshatin Reç dhe Dibër.
Qarku më i dëmtuar ka qënë Elbasani me një sipërfaqe të djegur prej 39 ha pemë mare, dushk dhe dëllinjë. Zjarri ka shkrumbuar sipërfaqe të tëra edhe në qarkun e Tiranës kryesisht në fshatin Ibë dhe në Malin e Dajtit.
Për shuarjen e zjarrit janë angazhuar 4 automjete zjarrfikëse me 40 forca, por errësira, era dhe terreni malor, kanë krijuar vështirësi për punën e forcave dhe vatrat e zjarrit sipas specialistëve janë sërish problem.
Emergjencat Civile janë duke mbajtur situatën në monitorim të vazhdueshëm në të gjithë vendin. Drejtoria përsërit thirrjen ndaj të gjithë qytetarëve të lajmërojnë në rastë konstatimi të vatrave të reja të zjarrit pë të bërë të mundur izolimin e tre në kohë
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.