Situata e Covid-19 në vend: 3 pacientë në intubim, 1 paciente nga Vlora ndërron jetë dhe 125 raste të reja gjatë 24 orëve të fundit
Ministria e Shëndetësisë, në raportimin e saj të përditshëm të situatës epidemiologjike në vend, u shpreh se gjatë 24 orëve të fundit nga 506 testime të kryera janë konfirmuar 125 raste të reja me Covid-19.
Sipas raportimit, në dy spitalet COVID po trajtohen aktualisht 122 pacientë të konfirmuar si të prekur me koronavirus, ndërsa në terapi intensive po trajtohen aktualisht 19 pacientë, ku 3 prej tyre janë të intubuar.
Sipas raportimit zyrtar, gjatë 24 orëve të fundit nuk e ka fituar dot betejën me sëmundjen. një 55-vjeçare nga Vlora
Shpërndarja gjeografike e rasteve pozitive ditore është si vijon:
68 raste në Tiranë, 15 në Korçë, 10 në Durrës, nga 4 raste në Shkodër, Lezhë, Berat, Gjirokastër, nga 3 raste Lushnje, Kurbin, 2 në Devoll, nga 1 rast Elbasan, Kukës, Pukë, Përmet, Sarandë, Divjakë, Kolonjë, Gramsh.
Ndërkohë, gjatë 24 orëve të fundit janë shëruar 37 qytetarë, duke e çuar numrin e të shëruarve në 3379, që nga fillimi i epidemisë.
Statistikat e situatës epidemiologjike deri më tani:
COVID-19 – Statistika (10 Gusht 2020)
Testime totale 46448
Raste pozitive 6536
Raste të shëruara 3379
Raste Aktive 2957
D.B – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.