Situata e pandemisë nëpër botë – SHBA raporton 52 mijë viktima, India drejt hapjes
Rastet globale të Covid-19 tejkaluan 2.8 milion, me SH.B.A. që tani numërojnë më shumë se një e katërta e të gjitha vdekjeve pasi arritën 50,000. Numri i vdekjeve në SHBA u afrua në 52,000, gati dy herë më shumë se Italia. Kina raportoi 12 raste të reja, me 11 prej tyre të importuara, së bashku me 29 raste asimptomatike. Gjermania ndërkohë raporton shkallën më të ulët të vdekshmërisë në pesë ditë. Singapori pati rritjen e tij më të vogël për të paktën gjashtë ditë.
Tajlanda raportoi 53 raste të reja të koronavirusit të Shtunën, më e larta në më shumë se dy javë, pasi një grup infeksionesh u shfaqën midis punëtorëve emigrantë të ndaluar në jug. Në mesin e rasteve të reja, 42 janë punëtorë të huaj “të paligjshëm”, kryesisht nga Myanmar, aktualisht në një qendër paraburgimi në provincën Songkhla. Nga ana tjetër , qeveria e Indisë po lejon rihapjen e dyqaneve të vogla të lagjeve, duke sjellë lehtësim te banorët pas një muaji në bllokimin më të madh në botë, që po kufizon 1.3 miliardë njerëz.
Dyqanet mund të vendosin një maksimum prej 50% të stafit të tyre, të gjithë të veshur me maska dhe duke ndjekur rregullat e distancës sociale, sipas urdhrit të lëshuar të Premten në mbrëmje. Dashamirësit e filmit në Korenë e Jugut së shpejti do të kenë më shumë mundësi. CJ CGV Co, një operator i madh kinemaje, tha se do të rihapë 36 teatro që ishin mbyllur që nga fundi i marsit, përfshirë në kryeqytetin Seul dhe qytetin Daegu, sipas një deklarate të postuar në faqen e saj të internetit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.