Situata e pazakontë në Lezhë! Bashkia apel OSHEE: Ndërhyrja të jetë urgjente! Situata ka sjellë vështirësi për banorët

Bashkia Lezhë i bën thirrje OSHEE të ndërhyjë me të gjitha kapacitetet për rregullimin e defekteve në linjën 10 mijë kë në zonën Dajç-Dragushë si edhe në linjat brendshme të furnizimit me energji elektrike, që kanë sjellë si pasojë ndërprerjen e energjisë në pjesën më të madhe në Lezhë, Ishull Shëngjin, Ishull Lezhë, Kolsh, Shënkoll, Zejmen, Balldre, Dajç, Blinisht, Kallmet dhe Ungrej.

“Kjo situatë, ka sjellë probleme e vështirësi në jetesën e banorëve të Lezhës, në veçanti në furnizimin me ujë të pijshëm dhe në trajtimin me ushqim të bagëtive në zonat rurale.  Ndërhyrja nga OSHEE në sistemin e furnizimit me energji elektrike duhet të jetë urgjente dhe korrekte pasi banorët e Lezhës janë pagues të rregullt. Mirëkuptojmë ngarkesën në situatën e krijuar” njofton Bashkia e Lezhës.

Era e fortë që ka përfshirë vendin ka shkaktuar problematika të shumta, sidomos në këtë zonë. Prej dy ditësh Lezha dhe rrethinat e saj ndodhen pa energji elektrike. Ditën e djeshme shumë banesa janë dëmtuar nga era e fortë ndërsa kanë ndodhur shumë aksidente edhe në qarkullimin rrugore. Shumë tabelat qarkullimi rrugor e pemë janë rrëzuar ndërsa janë përmbysur disa kamionë që qarkullonin në aksin rrugor Laç-Lezhë-Shkodër.

Në një njoftim të mëparshëm, Bashkia u ka bërë apel qytetarëve që të shmangin lëvizjet e panevojshme për shkak të problematikave që po shkaktonte era e fortë.

Lexo edhe: 

(Video) Era e fortë përmbys një tjetër automjet. Vështirësi qarkullimi në aksin Laç-Lezhë

[Video] Era e fortë rrëzon kamionin në superstradën Lezhë-Milot – Bllokohet qarkullimi

Erërat e forta – ARRSH: Tabela të rrëzuara e dëmtime të sinjalistikës në akset Milot-Lezhë-Shkodër e Thumanë-Milot

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.