Situata me gripin e shpendëve – Gjeçi: Asnjë rast i ri, bashkitë të ndalojnë tregtimin në mjedise të pamiratuara

Asnjë rast i ri me gripin e shpëndëve nuk është shënuar gjatë 24 orëve të fundit. Gjatë përditësimit të situatës, zv.ministrja e Bujqësisë dhe Zhvillimit Rural, Ermira Gjeçi  tha se Autoriteti Kombëtar i Ushqimit vazhdon kontrollet në të gjithë territorin e vendit, ndërsa risolli në vëmendje kërkesaën ndaj bashkive  për ndalimin e tregtimit të shpendëve të gjallë në mjediset e hapura të pamiratuara për shitje.

Në 24 orët e fundit

• Nuk kemi asnjë rast të ri të konfirmruar
• Nuk kemi vatra të reja infeksioni
• Nuk kemi asnjë stabiliment me drejtim prodhim për mish të infektuar
• Vazhdon monitorimi i vazhdueshëm në Organizatën Botërore të Shëndetit të Kafshëve mbi situatën epidemiologjike të shfaqjes së influencës aviare me qëllim marrjen e masave kufizuese për importin në vend.
• Vazhdon procesi për fuqizimin e flotës së veterinerëve zyrtarë
• Jemi në monitorim të vazhdueshëm të të gjithë territorit
• Vazhdojmë fushatën sensibilizuese për informimin e fermerëve mbi evidentimin dhe raportimin e rasteve të dyshuara.

Po ashtu, Gjeçi ritheksoi se nuk ka asnjë rrezik nga konsumi i mishit dhe vezëve të gatuara me temperature më të larta se 70 gradë Celsius siç është edhe procedura normale e gatimit. Ndërkohë që, edhe mejkët infeksionistë kanë pohuar për TV SCAN se deri më tani nuk është shënuar ndonjë rast i kalimit të gripit të shpendëve te njeriu. Gjithsesi, ata kërkuan një kujdes të shtuar, duke shmangur mishin e punës apo vezët e pagatuara mirë apo pastrimin e kujdësshëm të sipërfaqeve, që bien në kontakt me këto produkte.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.