Situata në porte – Ja ku është ndërprerë transporti i udhëtarëve me tragete

Situata në porte paraqitet nën kontroll nga të dhënat e Shtabit të Emergjencave Civile. Sipas këtij të fundit, në portin e Durrësit janë vënë në dispozicion dhe gatishmëri të plotë teknike të gjitha mjetet e nevojshme, forcat e sigurisë Portuale, ato operacionale, dispeçerisë si edhe të administratës.

Në infrastrukturë nuk paraqiten probleme, ndërsa janë strehuar në kohë në kalatet e portit të dy anijeve. Nga situata e rënduar janë ndaluar të gjitha operacionet, kryesisht vinçat portual për shpejtësi të erës mbi 15m/sek.

Nga informacionet Shtabit të Emergjencave nuk paraqiten probleme në lidhje me energjinë, ndriçimin, kamerat e sigurisë portuale apo të gjithë sistemit të IT.

Ndërkohë, në portin e Sarandës është ndërprerë transporti i udhëtarëve me tragete që nga dita e djeshme. Tragetet janë bllokuar për arsye të motit të keq nga kapiteneria e Korfuzit.

Duke qenë në të njëjtin nivel me detin, një pjesë e portit të Vlorë nga të dhënat rezulton të jetë përmbytur. E njëjta situatë paraqitet edhe në rrugët hyrëse të tij. Për zgjidhjen e problemit, raportohet se është vënë në punë një pompë për largimin e ujit.

G.DSCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.