Situatë kritike e COVID në Nju Jork – Të prekurit nga Omicron po shtohen nga dita në ditë
Njujorkezët kanë qendruar në rradhë në prag të Krishtlindjeve për të marrë testet e COVID. Testet falas në shtëpi u shpërndanë, ndërsa njerëz të tjerë qendruan në rradhë për testimin e COVID-19 mes një vale në rritje të infeksioneve kryesuar nga varianti Omicron.
Infeksionet me COVID-19 janë rritur në Shtetet e Bashkuara ditët e fundit për shkak të variantit shumë të transmetueshëm Omicron, i cili u zbulua për herë të parë në nëntor dhe tani përbën gati tre të katërtat e rasteve në vend dhe deri në 90 për qind në disa zona, si p.sh. bregun lindor.
Sipas një raporti të Reuters, numri mesatar i rasteve të reja të koronavirusit në SHBA është rritur 45 për qind në 179,000 në ditë, gjatë javës së kaluar.
Nju Jorku raportoi më shumë se 44,000 infeksione të konfirmuara rishtazi vetëm të Premten, duke thyer rekordin ditor të atij shteti. Të paktën dhjetë shtete të tjera vendosën rekorde të reja të rasteve njëditore të enjten dhe të premten.
Rritja e numrit të shtrimeve në spital po godiste veçanërisht rëndë sistemet e kujdesit shëndetësor në Midëest të SHBA-së, me njësitë e kujdesit intensiv në Indiana, Ohio dhe Michigan që po përgatiten për më të keqen, edhe pse ato mbeten nën presion nga një valë e mëparshme e rasteve të variantit Delta.
Ndërsa kërkimet e fundit sugjerojnë se Omicron prodhon sëmundje më të lehta dhe një shkallë më të ulët të shtrimeve në spital se variantet e mëparshme të COVID-19, zyrtarët shëndetësorë po studiojnë në mënyrë më të thelluar për të ardhmen.
Nju Jorku planifikon të kufizojë ndjeshëm numrin e njerëzve që lejohen në Times Square për festimin e Vitit të Ri në natyrë, në përgjigje të rritjes së rasteve të reja të koronavirusit duke kufizuar numrin e të pranishmëve në 15,000.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.