“Situatë shëndetësore në prag katastrofe” – Meta: Paratë e buxhetit të shkojnë për pandeminë, jo për koncesione e tunele imagjinare
Presidenti i Republikës Ilir Meta e ka përshkruar me tone alarmante situatën e shtrimeve dhe infektimeve nga Pandemia Covid 19, duke paralajmëruar se vendi është në prag të katastrofës Kombëtare.
Ai ka akuzuar se Qeveria vetëm improvizon dhe se nuk ka një plan për përballimin e situatës, duke akuzuar edhe për mungesë transparence për procesin e vaksinimit të njerëzve.
Ai vazhdoi më tej me akuzat mbi çmimet shumë të larta të testimeve e medikamenteve me të cilat përballen qytetarët, ndërkohë që Qeveria i blen medikamentet 7 deri dhjetë herë më shtrenjtë nga ç’janë në treg.
Meta akuzoi se paratë e buxhetit të shtetit, në vend të përdoren për pajisje mjekësore e medikamente, por përdoren për koncesione të panevojshme e korruptive e për vepra publike imagjinare.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.