Skandal spiunazhi në bankën zvicerane – Jep dorëheqjen Drejtori i Përgjithshëm
Tidjane Thiam, CEO i Credit Suisse ka dhënë dorëheqjen. Ai do të zëvendësohet nga një ekzekutiv tjetër, njoftoi të premten bordi i bankës. Në një njoftim për shtyp, banka njoftoi se anëtarët e bordit pranuan dorëheqjen e tij në një mbledhje të 6 shkurtit.
Ky veprim pason një skandal spiunazhi, në të cilin një ish-bankier i Credit Suisse, u bë objekt i investigimeve nga hetues privatë pasi pranoi një punë në bankën rivale UBS.
Një hetim i brendshëm e pastroi Thaimin nga çdo akuzë apo dyshim i mundshëm në lidhje me çështjen, por megjithatë hodhi një hije mbi udhëheqjen e tij. Dita e tij e fundit do të jetë 14 shkurt. Gjykata fajësoi COO Pierre-Olivier Bouee, i cili u pushua nga puna.
Thomas Gottstein, shefi aktual i departamentit të Zvicrës së Credit Suisse, do të marrë përsipër rolin e CEO-s. Ai ka qenë në bankë që nga viti 1999. Sipas The Financial Times, Thiam dëshironte të qëndronte si CEO, por humbi një luftë të brendshme për pushtet. Gazeta raportoi se ai ishte “hequr” pavarësisht mbështetjes së aksionarëve.
Deklarata e Thiam, e përfshirë edhe në njoftimin për shtyp thoshte: “Unë do të jem një mbështetës entuziast i kolegëve të mi, pasi ata vazhdojnë të krijojnë vrull në biznes. Dua të falënderoj të gjithë në Credit Suisse për mbështetjen e tyre në punën time. Unë do të jem përgjithmonë mirënjohës. “Nuk kam pasur njohuri për veprimet e dy ish kolegëve të mi. Padyshim që shqetësoi Credit Suisse dhe shkaktoi ankth dhe lëndim. Jam shumë i hidhëruar që kjo arriti të ndodhte”, u shpreh ai. (BI)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.