Skema SURE e BE-së, që synon mbrojtjen e vendeve të punës – Një kurs përplasjeje
Pandemia e Coronavirus ka një ndikim masiv, negativ në tregun eiropian të vendeve të punës. Organizata Ndërkombëtare e Punës ka njoftuar se parashikon humbjen e mundshme të 12 milion pozicioneve me kohë të plotë në Europë gjatë vitit 2020.
Sektorët më të rrezikuar përfshijnë akomodimin, shërbimet ushqimore, prodhimin, shitjen me pakicë dhe administratën.
Për të zbutur çështjet, Bashkimi Europian ka krijuar një skemë të quajtur SURE, e cila ka të bëjë me Mbështetje për të zbutur rreziqet e papunësisë në raste urgjente.
Është pjesë e një pakete 540 miliardë euro për të mbështetur kompanitë dhe punëtorët europianë. Ekzistojnë deri në 100 miliardë euro në dispozicion për skemën SURE, të mbështetura nga 25 miliardë euro garanci nga anëtarët e BE-së.
Shtetet mund të bëjnë kërkesë për paratë e gatshme pasi të kenë aktivizuar skemat për të ndihmuar individët që janë në punë të rregullt ose njerëz të vetëpunësuar që kanë humbur të ardhura. Ndihma vjen në formën e një kredie me kushte të favorshme. (Euronews)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.