Skemë për t’i bërë “bisht” ligjit që ndalon bixhozin! Policia sekuestron një tavolinë pokeri, 26 vjeçari kishte përshtatur ambientin

Policia e Shtetit njofton se në zbatim të planit të masave për evidentimin e ushtrimit dhe zhvillimit të kundraligjshëm të lojërave të fatit, ka vijuar kontrollet në Qarkun Fier.

“Konstatohet 1 subjekt i cili ishte përshtatur për zhvillimin e lojërave të fatit. Sekuestrohet në cilësinë e provës materiale një tavolinë pokeri dhe një kuti me chipsa.  Procedohet penalisht pronari i subjektit. Konkretisht u procedua penalisht shtetasi K.M, 26 vjeç, banues në Ballsh, për veprat penale “Organizimi i llotarive të palejuara” dhe “Vënia në dispozicion e lokaleve për lojëra të palejuara”  Procedimi ndaj këtij shtetasi filloi pasi në qytetin e Ballshit në subjektin e tij u konstatua një tavolinë pokeri dhe një kuti me chipsa” njofton Policia .

Kontrollet kundër aktivitetit të lojërave të fatit do të vijojnë në gjithë qarkun Fier ndërsa Policia e Shtetit fton këdo të denoncojë falas në numrin 112 ose përmes aplikacionit ‘Komisariati Dixhital’, çdo veprimtari të tillë të kundraligjshme.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.