Skenari i zymtë për Anglinë nga Omicron – Studimi tregon për rritje të vdekjeve gjatë Dimrit, nëse nuk shtohen masat
Varianti Omicron ka potencial për të shkaktuar një valë të madhe të infeksioneve në Angli dhe nxisë thuajse 75,000 vdekje gjatë Dimrit, nëse Qeveria nuk vendos masa shtesë të kontrollit, sipas një raporti nga Shkolla e Higjienës dhe Mjekësisë Tropikale në Londër. Nën rregullat e quajtura “Plani B” të qeverisë, të vendosura në javën e kaluar në kundërpërgjigje të Omicron, skenari më optimist për Anglinë tregon për 175,000 shtrime në spitale dhe 24,700 vdekje për periudhën 5 mujore nga fillimi i Dhjetorit deri në fund të Prillit. Projeksioni më i keq është për 74,800 vdekje.
Kjo është më shumë se gjysma e 127,154 që janë regjistruar në Angli që prej fillimit të pandemisë. Anglia mban mbi 2/3 e 172,000 vdekje në të gjithë Mbretërinë e Bashkuar. “Ekipi ka përdorur të dhënat e fundit eksperimentale mbi karakteristikat shmag nëse të antitrupave nga Omicron, për të eksploruar skenare të mundshme për variantin”- deklaroi Universiteti në Londër. Raporti rekomandon kufizime në ambientet e brendshme, qendrat e mbledhjeve dhe mbyllje të disa qendrave të zbavitjes që mund të ulin shtrimin e spitaleve me 53,000 dhe vdekjet me 7,600. Plani B i qeverisë inkurajon njerëzit që të punojnë nga shtëpia dhe kërkon vendosjen e maskave në transport publik apo kur viziton dyqane me pakicë.
Baret dhe restorantet do përjashtohen nga veshja e maskave, ndërsa klubet e natës do kërkojnë statusin e vaksinimit. “Vendosja e maskave, distancimi social dhe dozat nxitëse janë jetësore, por mund të mos mjaftojnë” – tha Rosanna Barnard nga Qendra për Modelim Matematikor për Sëmundjet infektive tek Universiteti. Mbretëria e Bashkuar raportoi mbi 58,000 infeksione në 24 orët e fundit, duke shënuar rritjen më të madhe që prej Janarit.
Përpara se Omicron të zbulohej në vend 2 javë më parë, varianti Delta po nxiste një rritje të infeksioneve,p avarësisht se britania ka një prej programeve më të sukesshme të vaksinimit në botë. Mbi 80% e popullsisë së rritur është vaksinuar me 2 doza dhe plani B i qeverisë po përpiqet të fitojë kohë për t’i dhënë nxitje programit të dozave përforcuese. Mbi 40% e të rriturve kanë marrë një dozë nxitëse në Britani.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.