Skocezët, pro pavarësisë – Ashcroft: 52% do të votonin për pavarësinë në një referendum të dytë
Skocezët do të votonin për pavarësi nga Mbretëria e Bashkuar, sipas një sondazhi të Michael Ashcroft, që është anektimi i parë zyrtar që tregon kërkesën për pavarësi prej Marsit 2017. Ndërsa pyeteshin se si do të votonin në një referendum të pavarësisë, 46% e skocezëve të anketuar ishin pro dhe 43% kundër.
Duke përjashtuar numrin e atyre që nuk e dinin se si do të vepronin dhe ata që nuk do merrnin pjesë, votimi për pavarësinë e Skocisë do rezultonte në 52% pro dhe 48% kundër. “Pas vizitës së Kryeministrit Boris Johnson në Edinburgh javën e kaluar, unë anketova skocezët për të matur mbështetjen e një referendumi të dytë mbi pavarësinë”, tha Ashcroft, konservatori që kundërshtoi lidershipin e Johnson.
Skocezët e kundërshtuan pavarësinë me 55% kundër dhe 45% pro në referendumin e vitit 2014, por ndasitë mbi Brexit kanë përkeqësuar marrëdhënien me qeverinë në Londër. Referendumi i Brexit në vitin 2016 përkeqësojë lidhjet mes Mbretërisë së Bashkuar, ndërkohë që Uellsi dhe Anglia votuan për të dalë ndërsa Skocia dhe Irlanda e Veriut ishin pro qëndrimit.
Partia Kombëtare e Skocisë (SNP), që drejton qeverinë në Edinburgh, thotë se një referendum i dytë është i justifikuar ndërkohë që Skocia po nxirret pa vullnet nga Bashkimi Europian.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.