Skrapar, prodhimi i paligjshëm i gurit dekorativ – Policia ndëshkon 3 shtetas

Policia e Shtetit ka njoftuar vijimin e punës për parandalimin e aktivitetit të paligjshëm të prodhimit të gurit pllakator, dekorativ në territorin e Parkut Kombëtar të Tomorrit.

Materialet janë referuar  në Prokurorinë e Rrethit Gjyqësor Berat për 3 shtetas nga Seksioni për Krimet në Komisariatin e Policisë Skrapar.

Policia ka njoftuar se shtetasit janë kapur duke transportuar me mjete, pllaka guri dekorativ, të cilat dyshohen të nxjerra në zonën e mbrojtur në Malin Tomorr, Skrapar.

Në njoftim thuhet se materialet hetimore do t’i kalojnë Prokurorisë Pranë Gjykatës së Shkallës së Parë Berat për veprën penale, “Shkatërrimi i pronës”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.