‘Smartmatic’ / Cila është kompania  e vetme që ka aplikuar për identifikimin biometrik të zgjedhësve në Shqipëri? Oferta: 19.9 milion dollarë

Komisioni Qendror i Zgjedhjeve zhvilloi procedurën prokuruese me objekt “Sisteme/pajisje të teknologjisë së informacionit për identifikimin elektronik të votuesve dhe verifikimin e tyre pas zgjedhor”.

Data 5 janar 2021 ishte afati i fundit për të paraqitur dokumentacionin e kërkuar, ofertën ekonomike dhe dorëzimin e pajisjes së kërkuar (mostrës) nga kompanitë.

Referuar njoftimit zyrtar të KQZ-së, në këtë procedurë u ftuan për të marrë pjesë 6 kompani të cilat kishin shfaqur interes, nga të cilat u paraqit një 1 kompani.

“Operatori ekonomik që mori pjesë është kompania “Smartmatic”, me fond limit 19.976.374,23  USD pa TVSH” njofton KQZ.

Komisioni Qendror i Zgjedhjeve aktualisht është në fazën e shqyrtimit të dokumentacionit, vlerësimit të ofertës si dhe vlerësimit të pajisjes së paraqitur nga kompania për demonstrim.

Në përfundim të procedurës së vlerësimit, Komisioni i Vlersimit të Ofertave do të vendosë në lidhje me fazat pasardhëse.

‘Smartmatic’ është një kompani amerikane e themeluar në Florida në vitin 2000. Në faqen zyrtare të saj, kompania shkruan se ka implementuar teknologji votimit në 25 vende të botës dhe në të gjitha rastet nuk ka njohur asnjë shkelje të sigurisë në proceset e administruara.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.