Socialistët fitojnë në Spanjë – Nuk ka një mazhorancë, shqetëson e djathta ekstreme
Socialistët e Spanjës po konsiderojnë partnerë të mundshëm për formimin e një qeverie të re, pasi fituan zgjedhjet kombëtare, por dështuan të sigurojnë një mazhorancë. Kryeministri Pedro Sanchez përballet me një zgjedhje të vështirë mbi një aleancë komplekse mes partisë së majtë Podemos dhe qendrës së djathtë Ciudadanos. Socialistët fituan 123 vende në zgjedhjet e ditës së Diel, nga 84 që kishin në parlamentin e vjetër, ndërkohë që pati më pak sfida nga e djathta, prej ngritjes së partisë të së djathtës ekstreme Vox.
“Partia socialiste ka fituar zgjedhjet kombëtare dhe nëpërmjet kësaj, e ardhmja ka triumfuar dhe e shkuara ka humbur. Falenderoj mbi 7 milionë spanjollë që dhanë votën e tyre. I vetmi kusht që ne do të vendosim është respektimi i kushtetutës dhe promovimi i drejtësisë sociale.”
Pasi u numëruan të gjitha votat, socialistëve, së bashku me të majtën esktreme Podemos, u mungonin 11 vende për të formuar një mazhorancë në parlamentin me 350. Kjo nënkupton se Sanchez mund të varet nga partitë pro-pavarësisë të Katalunjës apo nacionalistëve baskë. Analistët thonë se rezultati më i mundshëm është një qeveri e drejtuar nga socialistët me mbështetjen e Podemos. Lideri i Podemos, Pablo Iglesais tha se partia e tij do t’i bashkohet me dëshirë një koalicioni me socialistët. Megjithatë, e majta fitoi bindshëm zgjedhjet e treta kombëtare të Spanjës në katër vite, ndërkohë që konservatorët e Partisë Popullore humbën vota ndaj së djathtës ekstreme Vox, që përfitoi nga humori kundër emigracionit dhe shqetësimet e separatistëve të Katalunjës. Vox u bë partia e parë e së djathtës ekstreme në Spanjë që ka përfaqësi të madhe në parlament, që prej vitit 1975.
“24 deputetë në parlamentë do të kenë përgjegjësinë për t’i shërbyer Spanjës dhe lirisë. 24 deputetë nacionalistë në parlament do të përfaqësojnë krenarinë e të qenit spanjoll dhe nuk do të qëndrojnë të heshtur kur një politikanë të thyejë kushtetutën apo të përqeshë flamurin tonë.”
Partia Popullore pati rezultatin më të keq që prej fillimit të viteve 80’, me vetëm 66 vende, apo më pak se gjysma e parlamentit që po largohet. Partia Popullore, së bashku me Ciudadanos dhe Vox, morën vetëm 147 vende. Sanchez thirri votimin pasi dështoi të fitojë mbështetje në parlament më herët gjatë vitit për buxhetin e vitit 2019.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.