Socialistët fitojnë në Spanjë – Pa shumicë në parlament. Fuqizohet e djathta ekstreme

Partia socialiste e Kryeministrit Pedro Sanchez fitoi zgjedhjet e përgjithshme në Spanjë, megjithatë nuk mundi të sigurojë dot shumicën, ndërkohë që perspektiva politike e vendit mbetet e pasigurt.  Mbi 35 milionë votues spanjollë i’u drejtuan kutive të votimit ditën e Diel, në zgjedhjet e katërta për vendin në 4 vite dhe të dytat për 2019-ën.

Partia e Sanchez fitoi 3 vende më pak se në zgjedhjet e 28 Prillit, pa fituar një shumicë, çka kupton se grupi socialist nuk do të mund të qeverisë dot vetëm.  Sanchez nuk ofroi ndonjë mundësi për të formuar një qeveri të qëndrueshme, ndërkohë që i’u drejtua mbështetësve ditën e Diel.  Zgjedhjet kanë qenë të pasigurta shumë përpara zhvillimit të votimit, ndërkohë që sondazhet tregonin se nuk do të kishte fitues dhe parlamenti do të bëhej edhe më i fragmentuar. Shumë spanjollë  janë shqetësuar për rezultatin dhe shpresonin që këtë herë liderët të detyrohen të gjejnë një zgjidhje.

Fushata u dominua nga kriza në Katalonjë, një çështje që i ka dhënë nxitje partive të ekstremit të djathtë në Spanjë, të cilët kanë bërë thirrje për një qëndrim më të ashpër nga Qeveria qendrore drejt separatistëve të Katalonjës.   Partia e ekstremit të djathtë, Vox, ka përfituar më shumë nga qasja nacionaliste, duke dyfishuar vendet në parlament në 52 dytë dhe duke u bërë fuqia e tretë më e madhe politike në Spanjë.   Sanchez do të duhet tashmë të gjejë aleatë nëse do ndërtojë një Qeveri funksionale.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.