Sondazhi i BQE – Inflacioni pritet të ngadalësohet, ekonomia do të jetë e qëndrueshme

Inflacioni në Eurozonë pritet të ngadalësohet, por  rritja ekonomike do të jetë e qëndrueshme, tregon  një sondazh i Bankës Qendrore Europiane.  Kjo përforcon thirrjet e bankës për të treguar durim në heqjen e stimujve. Inflacioni bazë pritet të rritet me 1.6% vitin e ardhshëm dhe me 1.7% në 2020-ën, apo 0.1% poshtë projeksioneve të bëra 3 muaj më parë, sipas sondazhit të institucionit nda 58 projeksionistëve.

Banka e ka shënjestruar inflacionin në pranë 2% dhe sipas sondazheve, rritja e nivelit të çmimeve do të arrijë nivelin objektiv në vitin 2022.  Institucioni në Frankfurt vendosi këtë javë që të mbajë politikat monetare të pandryshuara. Tregjet presin që banka të përfundojë programin e blerjes së obligacioneve prej 2.55 trilionë euro këtë vit dhe të nisë rritjen e normave të interesit në mes të vitit 2019.

Ndërkohë që pranoi ngadalësimin ekonomik në tremujorin e parë, presidenti i bankës, Mario Draghi, tha se ekonomia vazhdon të jetë e qëndrueshme.  Sondazhi konfirmoi besimin e tij ndërkohë që projeksionet për ekonominë në 2018 dhe 2019, u rritën me 10 pikë bazë  në 2.4% dhe 2%.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.