Sondazhi/Java e punës “duhet të shkurtohet në katër ditë” dhe punonjësit duhet të paguhen edhe më shumë

Një sondazh i TUC argumenton se punonjësit, jo vetëm shefat dhe aksionarët duhet të përfitojnë nga përparimet teknologjike në vendin e punës.

Përfitimet duhet ti lejojnë kompanitë që ti rrisin pagat dhe tu japin punëtorëve më shumë kohë që të qëndrojnë me familjet e tyre.

Java e punës duhet të shkurtohet në katër ditë, pasi teknologjia e re vazhdon të bëjë punën tonë më efikase, bën me dije një udhëheqës i sindikatës.

Sipas sekretares së përgjithshme të TUC, Frances O’Grady, punonjësit meritojnë një fundjavë më të gjatë dhe paga më të larta, sepse shumë firma po përdorin përparime teknologjike për ti trajtuar njerëzit padrejtësisht.

Hulumtimet nga TUC, që përfaqëson shumicën e sindikatave në Mbretërinë e Bashkuar, tregon se shumica e punonjësve presin që menaxherët dhe aksionarët të përfitojnë nga teknologjia e re.

“Është koha për të ndarë pasurinë nga teknologjia e re, të mos lejojmë që at që janë në krye të kapen për veten e tyre, kemi nevojë për sindikata më të forta me të drejtën për të shkuar në cdo vend pune”, deklaroi O’Grady.

f.p/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.