Sondazhi / Lajme të këqija për Johnson, shumica dëshiron që ai të japë dorëheqjen
Më shumë njerëz mendojnë se Boris Johnson duhet të japë dorëheqjen si kryeministër sesa mendojnë se ai duhet të vazhdojë në detyrë, sipas sondazhit të fundit të Opinium për Observer.
Sondazhi i parë i vitit 2021 zbuloi se 43% e njerëzve mendojnë se ai duhet të jap dorëheqjen, ndërsa 40% thonë se ai duhet të vazhdojë si udhëheqës. Sidoqoftë, shumica e votuesve Konservatorë (87%) mendojnë se Johnson duhet të qëndrojë si udhëheqës, me vetëm 7% që mendojnë se ai duhet të japë dorëheqjen. Vetëm 20% besojnë që Keir Starmer duhet të japë dorëheqjen si udhëheqës i Partisë Labour, me 52% që thonë se ai duhet të mbetet si udhëheqës.
Kishte gjithashtu shenja të një rënie të lehtë të mbështetjes së qeverisë për trajtimin e koronavirusit. Rreth 72% (+4 në sondazhin e fundit) mendojnë se qeveria nuk ka vepruar mjaftueshëm shpejt, me 42% (+4) që mendojnë se definitivisht nuk po vepron siç duhet.
Miratimi i përgjithshëm i Johnson ka parë një rënie të lehtë. Miratimi i tij tani është 37% (një pikë më pak se sondazhi i fundit), ndërsa 45% nuk e aprovojnë (një pikë më shumë).
Opinium anketoi 2,003 persona në internet në periudhën 6-7 Janar.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.