Sot dhe nesër prurje të mëdha në lumenj – Gjeoshkencat: Parashikim për përmbytje
Gjatë ditës së sotme dhe të nesërme lumenjtë Drin, Buna dhe Liqeni i Shkodrës do të vazhdojnë të kenë prurje dhe nivele të larta të cilat mund të sjellin edhe përmbytje.
Lajmin e ka bërë të ditur Instituti i Gjeoshkencave, Energjisë, Ujit dhe Mjedisit përmes përllogaritjeve hidrologjike sipas të cilit prurjet do të varen nga shkarkimet e Kaskadës mbi Lumin Drin. Ndërsa lumenjtë e tjerë të vendit nuk paraqesin rrezik.
Ndërkohë, gjatë pasdites së sotme si dhe gjatë ditës së nesërme reshjet pritet të jenë të dobëta në pjesën më të madhe të qarqeve. Po ashtu, sipas parashikimeve të IGJEUM-së, në pjesën Veriore të vendin priten reshje dëbore në lartësinë mbi 1000 metra mbi nivelin e detit.
TEMPERATURAT
Nesër (e premte, dt.09) temperaturat minimale dhe maksimale të ajrit pritet të arrijnë:
Në bregdet: 7°C / 14 °C
Në vendet e ulëta: 5°C / 15°C
Në vendet malore: 0°C / 9 °C.
Ndërkohë, sot era do të fryjë e lehtë deri në mesatare, ndërsa nesër pritet të fryjë një erë e lehtë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.