“Sot është dita e shpëtimit” – Vaksina e Moderna aplikon për leje nga autoritetet, zyrtarisht 94% efektive
Kompania bioteknologjike Moderna tha se sot do të kërkojë miratimin e vaksinës së saj anti COVID-19 në Evropë dhe SHBA. Firma bëri njoftimin ndërsa tha se rezultatet më të fundit të provës treguan se vaksina e saj ishte 94.1% efektive.
“Analiza primare pozitive konfirmon aftësinë e vaksinës sonë për të parandaluar sëmundjen COVID-19 me efikasitet 94.1% dhe më e rëndësishmja, aftësinë për të parandaluar sëmundjen e rëndë COVID-19”, tha Stéphane Bancel, drejtori ekzekutiv i Moderna.
Aplikimi i Moderna vjen menjëherë pas kompanisë farmaceutike Pfizer të SHBA-së, e cila po punon me kompaninë gjermane të bioteknologjisë BioNTech, dhe që bëri kërkesë për autorizimin e SHBA-së më 20 nëntor. Agjencia Evropiane e Barnave po bën gjithashtu një shqyrtim të kandidatit të vaksinës.
D.B – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.