Sot në orën 18:00, seanca e jashtëzakonshme – Kush janë Zv.kryeministi dhe ministrat e propozuar nga opozita. Pritet votimi i dekreteve të Presidentit
Pas kërkesës së bërë nga Kryeministri Rama, pritet të mbahet sot seanca e jashtëzakonshme plenare, ku pritet të votohen dekretet e Presidentit për shkarkimin dhe emërimin e zv.kryeministrit dhe të disa ministrave të propozuar nga opozita.
Seanca do të mbahet sot në orën 18:00, ku ndër të tjera, do të votohen: Vendimi “Për një ndryshim të vendimit nr. 12/2017 “Për zgjatjen e afatit të veprimtarisë së Komisionit të Posaçëm të Reformës Zgjedhore”, vendimi për shqyrtimin dhe miratimin e paketës ligjore, propozuar nga Komisioni i Posaçëm i Reformës Zgjedhore; projektvendimi “Për caktimin e përfaqësuesve të pakicës parlamentare në komisionet Ad Hoc.
Në seancë, gjithashtu pritet të votohet edhe projektvendimi “Për lirimin nga detyra të një anëtari të KQZ-së” dhe “Për emërimin e një anëtari të KQZ-së”;
Rendi i ditës në seancë
Mbledhjen e Kuvendit në sesion të jashtëzakonshëm në datën 22.5.2017, ora 18.00.
-Rendi i ditës i seancës plenare është si më poshtë:
1.Votimi i Dekreteve të Presidentit të Republikës për lirim dhe emërim të
– Zëvendëskryeministrit
– ministrit të Punëve të Brendshme
– ministrit të Arsimit dhe Sportit
– ministrit të Shëndetësisë
– ministrit të Mirëqenies Sociale dhe Rinisë
– ministrit të Financave
– ministrit të Drejtësisë
-Projektvendim “Për një ndryshim të vendimit nr. 12/2017 “Për zgjatjen e afatit të veprimtarisë së Komisionit të Posaçëm të Reformës Zgjedhore”;
-Shqyrtimi dhe miratimi i paketës ligjore propozuar nga Komisioni i Posaçëm i Reformës Zgjedhore;
-Projektvendim “Për caktimin e përfaqësuesve të pakicës parlamentare në komisionet Ad Hoc:
– “Për verifikimin e kandidatëve në institucionet e rivlerësimit, sipas vendimit nr. 41/2017 të Kuvendit të Shqipërisë me 6 anëtarë”
– “Për përzgjedhjen e kandidatëve në institucionet e rivlerësimit, sipas vendimit nr. 45/2017 të Kuvendit të Shqipërisë me 12 anëtarë”
– “Për përzgjedhjen e kandidatëve në institucionet e rivlerësimit, sipas vendimit nr. 46/2017 të Kuvendit të Shqipërisë me 6 anëtarë”
– “Për caktimin e dy anëtarëve zëvendësues të opozitës në Komisionin Ad Hoc për verifikimin e kandidatëve për Institucionet e Rivlerësimit”
-Projektvendime “Për lirimin nga detyra të një anëtari të KQZ-së” dhe “Për emërimin e një anëtari të KQZ-së”;
-Projektvendime “Për lirimin nga detyra të Kryetarit të KQZ-së” dhe “Për emërimin e Kryetarit të KQZ-së
III. Komisioni i Posaçëm i Reformës Zgjedhore dhe Komisioni për Çështjet Ligjore, Administratën Publike dhe të Drejtat e Njeriut të përgatisin raportet për seancën plenare në datën 22.5.2017
-Ngarkohen shërbimet e Kuvendit për publikimin e rendit të ditës të sesionit të jashtëzakonshëm, njoftimin e anëtarëve të Kuvendit dhe përgatitjen e dokumentacionit parlamentar që do të shqyrtohet. Ky urdhër hyn në fuqi menjëherë.
Emrat e zv.kryeministrit dhe ministrave të propozuar nga opozita
Ashtu siç ishte rënë dakord edhe me marrëveshjen e 18 Majit, PD ka propozuar mbrëmë emrat e zv.kryeministrit dhe 6 ministrave të tjerë teknikë, të cilët pritet të votohen të hënën pas publikimit të dekreteve të Presidentit.
Emrat e ministrave të rinj:
Zv/kryeministre Ledina Mandia; Lexoni këtu CV
Ministër i Brendshëm, Dritan Demiraj; Lexoni këtu CV
Ministër i Financave, Helga Vukaj; Lexoni këtu CV
Ministër i Drejtësisë, Gazmend Bardhi; Lexoni këtu CV
Ministre e Arsimit, Mirela Karabina; Lexoni këtu CV
Ministër i Shëndetësisë, Arben Beqiri; Lexoni këtu CV
Ministre e Mirëqenies Sociale, Xhulieta Kërtusha; Lexoni këtu CV
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.