S&P paralajmëron zhvlerësime – Do shkurtojë notën e borxhit sovran për ekonomitë më të mëdha

Financat publike janë ndër më të prekurat si pasojë e krizës së shkaktuar nga pandemia. Rritja e shpenzimeve të qeverisë për të mbajtur ekonominë në binarë, kombinuar me rënien e të ardhurave në buxhet kanë shkaktuar probleme të mëdha për financat publike. S&P paralajmëroi së fundmi se disa prej ekonomive më të mëdha të botës do të zhvlerësohen ose do të paralajmërohen për zhvlerësim të borxhit sovran në muajt në vijim, në kulmin e valës së dytë të koronavirusit të ri.

Diçka e tillë do të përkthehet në kosto në rritje për huamarrjen. Sipas numrit një të gjigandit të vlerësimit të kreditit, kosto e jashtëzakonshme të kanalizuara ndaj sistemeve shëndetësore, punonjësve dhe bizneseve këto kohë po ndryshojnë në mënyrë rrënjësore financat e disa shteteve për keq.

Deri më tani, këtë vit, agjencia ka zhvlerësuar rreth 60 shtete, por shumë pak prej tyre kanë qenë vende të pasura. Gjithsesi, për shumë vende të cilat po përballen me shpërthime të fuqishme të infeksionit, zhvlerësimi nga ana e S&P duket se do të jetë problemi më i vogël.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.