S&P për Greqinë – Rrit perspektivën në të qëndrueshme, konfirmon vlerësimin
Agjencia e vlerësimit të kreditit Standard & Poor’s, ka rritur perspektivën për Greqinë në “pozitive” nga “të qëndrueshme”, duke konfirmuar gjithashtu notën B+. Perspektiva reflekton një rritje të mundshme të vlerësimit të kreditit, nëse autoritetet greke nxisin konkurrueshmërinë në tregje, përmirësojnë të drejtat e pronave, lehtësojnë procedurat e falimentimit dhe përmirësojnë respektimin e kontratave, sipas agjencisë.
Standard & Poors deklaroi se sheh një stabilizim politik që mbështet bankat greke dhe ekonominë, duke shtuar se projeksionet për rritjen e vendit do të përmirësohen, nxitur kjo nga investimet private në turizëm dhe logjistikë, kryesisht prej projekteve të mëdha në infrastrukturën publike. Rritja reale e Produktit të Brendshëm Bruto pritet në 2-2.5% në 3 vitet e ardhshme sipas Standard & Poor’s. Muajin e kaluar, agjencia rriti vlerësimin e borxhit afat-gjatë të Greqisë, prej reduktimit të rreziqeve, ndërkohë që kreditorët ofruan më shumë para dhe zgjatën maturitetet.
Kreu i Eurogrupit, Mario Centeno, tha javën e kaluar se vendet e Eurozonës pritet të disbursojnë një kredi përfundimtare prej 15 miliardë euro ndaj Greqisë në muajin Gusht. Greqia është financuar kryesisht nga paraja e qeverive të Eurozonës në 3 programet e shpëtimit që nga vitit 2010, kur humbi akses në tregje prej rritjes së deficitit buxhetor, borxhit të madh publik dhe ekonomisë inefiçente.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.