SPAK, miratohen 8 anëtarët – Nis plotësimi i Prokurorisë së Posaçme Antikorrupsion që do hetojë zyrtarët e lartë
Këshilli i Lartë i Prokurorisë emëroi të hënën me 11 vota tetë anëtarët e Strukturës së Posaçme Antikorrupsion, e njohur si SPAK.
Ata janë Altin Dumani, prokuror në Prokurorinë e Apelit Tiranë;
Arben Kraja, prokuror në Prokurorinë e Përgjithshme;
Behar Dibra, prokuror në Prokurorinë e Krimeve të Rënda;
Edvin Kondili, prokuror në Prokurorinë e Krimeve të Rënda;
Elida Celami (Kaçkini) prokurore në Prokurorinë e Tiranës;
Ened Nakuçi, prokuror në Prokurorinë e Krimeve të Rënda;
Enkeleda Millonai, prokurore në Prokurorinë e Elbasanit dhe Klodian Braho, prokuror në Prokurorinë e Krimeve të Rënda.
Njëherësh është hapur edhe gara për përcaktimin e Kreut të SPAK, i cili do të zgjidhet nga tetë emrat e mësipërm.
Prokurorët e SPAKU-t do të kenë një mandat 9 vjeçar, dhe ata do të kenë tagrin të hetojnë që nga Presidenti, Kryeministri, ministri, deputetët e deri tek drejtuesit dhe zyrtarët e lartë të institucioneve të tjera në varësi të Qeverisë ose jo.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.