Spanja arrin numër rekord vdekjesh, ndërsa New Yorku shpallet vendi më i goditur në Amerikë
Autoritetet spanjolle njoftuan të dielën se në vend janë shënuar një numër rekord vdekjesh nga COVID-19, plot 838 viktima për 24 orët e fundit.
Numri është pak më i lartë se një ditë më parë, që ishte 832, duke e çuar kështu totalin e të vdekurve në 6528.
Numri total i personave të infektuar është 78.797, me një rritje prej 6549 të prekurish për 24 orët e fundit.
Spanja është vendi i dytë më i prekur në botë, pas Italisë, ku numri i të vdekurve ka arritur 10.023.
Presidenti Trump gjithashtu është duke menduar izolimin total të New York-ut nëpërmjet një ligji të veçantë. Së fundmi, ai është shprehur se ka qenë në kontakt të vazhdueshëm me homologun e tij kinez Xi Jinping, duke siguruar amerikanët se Kina do të jetë një partner i ngushtë në përballimin e kësaj lufte.
Kryetari i bashkisë së New York City, Bill de Blasio, ka paralajmëruar se qyteti i tij do të mbarojë furnizimet kritike mjekësore, përfshirë ventilatorët, deri të Dielën e ardhshme, 5 Prill.
Në një tweet, ai tha: “Ne jemi në luftë dhe ventilatorët janë municioni ynë.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.