Spanja, çmim reference për gazin – Do të përfitojnë 1/3 e individëve dhe 70% e industrisë!
Qeveria e Spanjës njoftoi një kufi të përkohshëm në çmimin e referencës së gazit të përdorur nga termocentralet, në një lëvizje që ministri i Energjisë tha se do të reduktonte menjëherë kostot për më shumë se një të tretën e individëve privatë dhe 70% të industrisë.
Vendet europiane po përpiqen për të menaxhuar rritjen e çmimeve të gazit dhe energjisë elektrike, për shkak të pushtimit rus të Ukrainës, si dhe për të zbutur ndikimin e tyre në fuqinë shpenzuese të konsumatorëve.
Komisioni Europian ra dakord dy javë më parë që të lejojë Spanjën dhe Portugalinë që fillimisht të caktojnë çmimet në 40 euro për megavat/orë, me kufirin e çmimit të parashikuar që do të jetë mesatarisht 50 euro gjatë 12 muajve të ardhshëm.
Ministrja e Energjisë, Teresa Ribera, tha se kufiri do të ulte menjëherë kostot për 37% të individëve privatë dhe 70% të operacioneve industriale, si dhe do të përfitonin të gjithë konsumatorët brenda një viti.
Spanja dhe Portugalia e kishin bindur Brukselin se duhet të lejoheshin të menaxhonin çmimet e tyre të energjisë elektrike, të cilat shpesh rriten nga karburantet e shtrenjta fosile, edhe pse Gadishulli Iberik ka sasi të mëdha energjie të rinovueshme dhe pak ndërlidhje me pjesën tjetër të Europës.
Ribera tha se Brukseli do të hapë dritën jeshile përfundimtare për planin brenda 10 ditëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.