Spanja do të lehtësojë masat, pavarësisht paralajmërimit të OBSH: Mund të rritet infektimi
Qeveria spanjolle ka mbrojtur vendimin e saj për të lejuar disa punëtorë jo-thelbësorë të kthehen në punët e tyre në fabrika dhe vendet e ndërtimit këtë javë të ardhshme, megjithë paralajmërimet se çdo relaksim i masave të izolimit mund të çojë në një rritje të infeksionit.
Organizata Botërore e Shëndetit ka thënë se mund të ketë një “ringjallje vdekjeprurëse” të koronavirusit nëse kundërveprimet hiqen shumë shpejt, ndërsa një nga ekspertët e vetë qeverisë spanjolle ka thënë se ai mendon se do të ishte e arsyeshme të mbahen punëtorët jo-thelbësorë në shtëpi për më gjatë.
Duke folur të shtunën pasdite, ministri i shëndetësisë i vendit, Salvador Illa, tha që Spanja mbetet në bllokim të rreptë dhe se njerëzve u lejohet vetëm të shkonin në punë ose të blinin ushqime ose ilaçe. “Ende kemi kufizime shumë, shumë drastike,” shtoi ai.
Ministri insistoi që të gjitha vendimet të merren “në bazë të konsensusit” dhe se qeveria ndoqi rekomandimet e ekspertëve.
Qeveria spanjolle ka këshilluar njerëzit që të mbajnë distancën e kujdesshme fizike pasi disa nga ata që nuk mund të punojnë nga shtëpia do të rifillojnë punën e tyre. Qeveria gjithashtu ka thënë se maska për fytyrën do të shpërndahen në stacionet metro dhe hekurudhë.
D.B – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.