Spanja në prag të valës së dytë. Rritje e ndjeshme e rasteve të reja, masa të reja kufizuese

Ndërkohë, situata pandemike në Spanjë është përkeqësuar një muaj pasi vendi doli nga emergjenca kombëtare. Spanja raportoi gati 11,000 infeksione të reja gjatë javës së kaluar, dhe 30 nga 52 provincat e saj raportuan rritje të infeksioneve të reja, shumica e të cilave u shkaktuan në tubime në vendet argëtuese. Për të frenuar transmetimin, disa vende në Spanjë kanë forcuar masat për grumbullimet dhe funksionimin e vendeve argëtuese.

Ministri i Shëndetësisë Enrique Ruiz Escudero nga rajoni i Madridit tha të Shtunën se rajoni bëri më shumë përpjekje për gjurmimin e pacientëve dhe do të marrë masa më të rrepta nëse raportohen më shumë infeksione. Vendet rekreative janë vendet ku monitorimi dhe rregulloret duhen më së shumti, sipas Escudero. Qeveria rajonale e Katalonjës urdhëroi mbylljen e detyrueshme të klubeve të natës dhe urdhëroi baret dhe restorantet në qytete të mëdha, duke përfshirë edhe Barcelonën, të mbyllen para orës 12:00 të mbrëmjes. Ndërsa Spanja po përballet me një valë të freskët të infeksioneve COVID-19, qeveria britanike vendosi të largojë Spanjën nga lista e vendeve ku njerëzit nuk kanë pse të izolohen kur mbërrijnë në Mbretërinë e Bashkuar. Si rezultat, të gjithë udhëtarët që hyjnë në Mbretërinë e Bashkuar përmes Spanjës kërkohet që të karantinohen për dy javë.

Roel Kërkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.