Spanjë: Sanchez do të përballet me votimin e 23 korrikut për t’u konfirmuar Kryeministër

Parlamenti thellësisht i fragmentuar i Spanjës do të votojë nëse do të konfirmojë Pedro Sanchez si kryeministër më 23 korrik, një datë që ai zgjodhi përkundër mungesës së mbështetjes së shumicës në një vendim që mund të çojë në zgjedhje të menjëhershme.

Socialistët e Sanchez fituan zgjedhjet kombëtare në prill, pa siguruar shumicën, dhe që atëherë kanë luftuar për të krijuar një marrëveshje me Podemosin e krahut të majtë, i cili ka kërkuar poste të kabinetit në këmbim të mbështetjes së tij. Anëtarët e parlamentit duhet t’i sigurojnë Sanchez një shumicë absolute votash për të fituar në raundin e parë të votimit. Me socialistët dhe Podemos që së bashku  kanë 12 vende nga një shumicë prej 350 vendesh, ai nuk pritet të ketë suksesin e dëshiruar.

Më pas atij do t’i duhet të kërkojë një shumicë të thjeshtë në një raund të dytë që do të mbahej brenda 48 orësh, për të cilat Sanchez do të kishte nevojë për mbështetjen, apo së paku abstenimin, e partive të vogla rajonale, përfshirë separatistët katalanas.

Burimi: Reuters

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.