Spanjollët rifitojnë “lirinë” – Nga e shtuna mund të dalin për xhiro apo sport
Spanjollët mundën ta shijojnë këtë të shtunë, për të herë të parë pas shumë javësh, duke dalë nëpër rrugët e Madridit. E shtuna shënon ditën e parë kur fillon lejimi i sporteve individuale në publik. Pikërisht këtë e kanë shfrytëzuar mijëra spanjollë, secili sipas mënyrës së tij.
“Ndihemi të lirë, të kryesh ushtrime është baza për shëndetin mendor dhe atë fizik”-shprehet një rezident i Madridit, i cili po shijon xhiron e tij të parë me biçikletë pas shtetrrethimit. Për të shmangur një mbipopullim të rrugëve, qeveria spanjolle ka aplikuar një sistem të daljes në publik në bazë të grupmoshave.
Oraret e lejuara janë 6 me 10 të mëngjesit dhe 8 me 11 të darkës. Nga mesdita deri në 7 pasdite ndërkohë do të lejohen vetëm fëmijët e vegjël dhe të moshuarit. Aktivitetet e lejuara janë ato fizike në natyrë, por edhe shëtitjet e shkurtra. Spanja është kthyer në një prej vendeve më të goditura nga Sars-Cov-2 në botë dhe dalja nga emergjenca pritet të jetë shumë e vështirë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.