SPD pranon koalicionin – Do të bashkëpunojnë me konservatorët e Merkel, në qeverinë e saj të katërt
Anëtarët e partisë Social Demokrate në Gjermani, kanë votuar me vendosmëri për një tjetër koalicion me konservatorët e Angela Merkel, duke krijuar mundësinë e krijimit të një qeverie të re në ekonominë më të madhe të Europës dhe përfunduar disa muaj të pasigurisë politike.
2/3-at e social demokratëve votuan pro koalicionit, që është një marzh shumë më i madh se ç’pritej, gjë që tregon se Merkel mund të fitojë mandatin e saj të katërt në mes të muajit Mars, duke rikthyer koalicionin e madh.
“Ne tashmë kemi qartësi. Partia Social Demokrate do t’i bashkohet qeverisë së ardhshme të Gjermanisë”, tha lideri i partisë, Olaf Scholz.
“Pres që të bashkëpunojmë përsëri me social demokratët për të mirën e vendit tonë përsëri”, shkroi Merkel në Twitter.
Komisioneri për Çështjet Ekonomike dhe Financiare, Pierre Moscovici, përgëzoi social demokratët për votimin dhe shtoi se Gjermania është gati tashmë që të angazhohet në fuqizimin e Europës.
Scholz refuzoi t’i përgjigjet pyetjeve nëse do të bëhet ministër i Financave, duke thënë vetëm se partia social demokrate do të caktojë 6 anëtarë në kabinetin federal.
Si “shpërblim” për mbështetjen e dhënë, SPD do të zotërojë ministritë kryesorë, përfshirë atë të financave.
Rezultati nënkupton se partia e djathtë ekstreme, AfD, do të jetë forca më e madhe opozitare në parlament.
Ata e cilësuan vendimin e social demokratëve si një katastrofë për Gjermaninë, duke premtuar opozitë të fortë në 4 vitet e ardhshme.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.