Specifika të Galaxy S9 dhe S9+ – Rrjedhja e informacionit nxjerr të dhëna edhe për Galaxy X
Galaxy S8 mund të ketë mbërritur në rafte vetëm disa muaj më parë por raportet pohojnë se Samsung tashmë ka filluar prodhimin e teknologjisë së vitit të ardhshëm.
Në disa kërkime të bëra për Gaaxy S9 rezulton se specifikat e telefonit janë si më poshtë:
– 5.8in / 6.2in QHD + Super AMOLED ekran i lakuar (570ppi / 529ppi)
– Android 8.0 ‘O’ – Qualcomm Snapdragon 845 (SHBA) / Samsung Exynos (UK)
– Cat 18 LTE support (shpejtësi shkarkimi 1.2Gbps)
– skaneri i pasëm i gjurmëve të gishtave
– Kamera e pasme e dyfishtë
– Asistent i Bixby AI me butonin dedikuar
Me raportet që pretendojnë se Galaxy do të fillojë me prodhimin Galaxy S9 dhe S9+ ka të ngjarë që telefonët të debutojnë më herët.
Për sa i përket çmimit nuk kanë filluar të dalin ende as thashethemet në mënyrë që ne të hamendësojmë një gjë të tillë por nëse Samsung vazhdon me të njëjtën traditë si me S8 ndoshta çmimi do të jetë i njëjta me S8 në fillimet e tij.
Sipas një raporti të VentureBeat, Galaxy S9 dhe S9 Plus do ta bëjnë paraqitjen e tyre të parë publike në CES të vitit të ardhshëm.
Por krahas informacioneve për Galaxy 9 dhe Galaxy 9+ një tjetër telefon pritet të rimodelohet dhe ai është Galaxy X.
Ky informacion duket se ka dalë vetë nga Samsung dhe është konfirmuar. Detajet janë publikuar me anë të një faqeje suporti në uebsajtin e Samsung.
Galaxy X do të jetë telefoni me ekran me palosje i premtuar prej vitesh nga Samsung. Edhe pse4 Galaxy X nuk do të jetë një telefon i prodhuar në masë, influenca që do të ketë në produktet e ardhshme e bëjnë kaq të veçantë.
Ndërsa Apple po lëviz drejt telefonave me ekran pa skaje, Samsung i është drejtuar telefonit me një ekran që paloset.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.