‘Spiderman-i francez’ ngjitet në majën e një kulle në Paris, për të protestuar!
I quajtur “Spiderman francez”, Alain Robert është ngjitur në majën e një kulle të lartë në Paris, si një shenjë ‘proteste’ për të mbledhur fonde për katedralen e Notre-Dame. 56-vjeçari u ngjit në pjesën e sipërme të ndërtesës prej 185 metrave, pa asnjë mjet mbrojtës, por vetëm me duart e tij.
“Për shkak se nuk ka para të mbetura në arkën e qeverisë, katedralja ndodhet në gjendje të keqe dhe po rrënohet’’, tha ai për ‘Reuters’ përpara ngjitjes. Sponsorët e tij po shkruanin një çek prej 5,000 euro për të ndihmuar në financimin e rinovimeve, deklaroi Robert.
Robert ka ngjitur mbi 100 struktura, duke përfshirë këtu, Urën e Artë të Portës në San Francisko dhe Burj al Khalifa në Dubai, si dhe kullën e Parisit në 2016. Ndërkohë për të njëjtën çështje, kryepeshkopi i Parisit po bën përpjekje për të mbledhur më shumë se 100 milionë euro, për të shpëtuar ndërtesën e Notre-Dame, e cila ka nevojë për rikonstruksione.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.